DAVAO CITY – Gikanayon sa usa ka local health official nga “very responsive and receptive” ang dabawenyos sa gipahigayon nga vaccination program sa lokal nga kagamhanan batok coronavirus disease (COVID-19) sukad nga gisugdan kini kaniadtong milabay nga Marso 5, 2021.
Sumala pa kang Dr. Michelle Schlosser, focal person sa Davao City COVID-19 Task Force, nagkadaghan sumala ang nagpahimulos sa vaccination program kini tungod sa nagkataas usab nga demand sa mga Dabawenyos nga buot magpabakuna.
Dugang sa nahisgutan nga dili tanan nga mga local government units ang adunay supportive nga katawhan ug kadaghanan ang nagtoo nga adunay maayong benepisyo kini sa panglawas.
Lig-on sab sumala pa ang koordinasyon karon tali sa gobyerno ug pribadong sektor pinaagi sa pagpatuman sa vaccination ilabi na sa sectoral rollout sa A4 priority group o essential workers sa gobyerno, transport, tourism, academe, ug business process outsourcing (BPO).
Gikanayon sab sa opisyal nga ang mga private establishments mitabang karon sa lokal nga kagamhanan ug sa Department of Health (DOH)-Davao aron nga mapalig-on pa ang vaccination drive.
