DAVAO CITY – Posibleng dili na sumala pa makadawat ug second tranche sa Social Amelioration Program (SAP) gikan sa Department of Social Welfare and Development (DSWD)-Davao ang mga dabawenyos sa higayon nga ipailalom na ang rehiyon sa general community quarantine (GCQ) sugod sa Mayo 16.
Sumala pa kang DSWD Davao Information Officer Kristelle May Cagatin nga wala pa sila nakadawat karon ug direktiba kung hatagan ug budget ang Davao Region aron nga mapadayon ang pagpanghatag ug emergency cash assistance.
Subay sa ulahing data alang sa Pantawid Pamilyang Pilipino Program (4Ps) ug non-pantawid beneficiaries, nakatala sumala pa ang DSWD-Davao ug 87.49 percent accomplishment.
Sa 951,193 target families, kinatibuk-ang 832,179 ang nakadawat ug assistance, samtang 119,014 ang wala nakadawat.
Sa mga non-pantawid beneficiaries nga gipatuman sa local government units (LGUs), naangkon sumala pa sa ahensiya ang 84.30 percent accomplishment rate o 577,923 ang na-serbisyohan gikan sa 685,547 target families uban ang napagulang P3,467,538,000 nga assistance. Gitataw ni Cagatin nga sa 48 ka mga LGUs nga natunolan ug pundo, 42 niini ang nakakompleto na sa pagpanghatag ug cash aid. Ilalom sa SAP, ang kwalipikado nga benepisiyaryo sa Davao region ang makadawat ug P6,000.
