DAVAO CITY – Gi-awhag sa lokal nga kagamhanan ang mga residente sa siyudad nga motamud sa mga sumbanan alang sa “new normal” nga usa ka pamaagi batok Covid-19.
Kalakip pa gihapon niini ang kanunay nga paghugas ug kamot, pagsuot ug face mask ilabi na kung anaa sa pampublikong lugar o sa sulod sa opisina ug establisyemento.
Kalakip sab sumala pa sa mga ipabilin mao ang usa ka metro nga physical distancing sa usag-usa. Kalakip sab sa “new normal” ang pagpatuman ug mga lakang aron nga makontrola ang impeksiyon.
Mogamit ug alcohol ug sanitizer nga alcohol-based ingon man pagpahigayon ug disinfection sa mga pampublikong transportasyon, indoor area ug sa mga butang nga permanente nga magunitan sa mga tawo.
Samtang gi-awhag sab kadtong gikan sa gawas nga maligo gilayon pag-abot sa panimalay. Mahinungdanon sumala pa nga motamud sa mga sumbahan aron masiguro nga dili matakbuyan sa virus.
Sa pikas nga bahin giawhag sab ni Department of Trade and Industry (DTI) 11 head Rachel Remitio, ang mga business establishment sa siyudad nga mas maayong motamud sa mga guidelines nga gipagula sa DTI ug DOLE dungan sa ilang pag-abli karong panahon nga gipatuman ang General Community Quarantine (GCQ).
