DAVAO CITY – Bisan nga gipailalom na karon ang dakbayan sa Davao sa General Community Quarantine (GCQ) with heightened restrictions kinahanglan pa gihapon nga mag-doble amping ilabi na nga wala pa hingpit nga miubos ang kaso sa Covid-19.
Epektibo ang nahisgutan nga quarantine classification sugod karong adlawa Hukyo 16 hangtud na sa Hulyo 31, 2021.
Kahinumduman nga una ng gibutyag ni Mayor Sara Duterte-Carpio nga nangandam ang siyudad ug argumento aron nga ibalik lamang ang siyudad sa GCQ ug gi-aprubahan kini sa Inter-Agency Task Force (IATF) for the Management of Emerging Infectious Diseases ug ni Pangulong Rodrigo Duterte.
Subay sa IATF Resolution No. 121, pipila sa mga aktibidad ug establisyemento nga did-an nga mag-operate ang gilangkuban sa entertainment venues (bars, concert halls, theatre, etc.), recreational venues (internet cafes, billiards, arcades, etc.), amusement parks, fairs, playgrounds, kiddie rides, ug sabong.
Kalakip sab sa ginadili ang outdoor contact sports, games, ug scrimmages, gawas lamang sa non-contact sport.
Dili sab tugutan ang Indoor sports courts and venues, indoor tourist attractions, venues alang sa meetings, conferences, ug exhibitions.
Samtang hangtud 30 porsyento lamang ang mga personal care services sama sa salons, parlors, beauty clinics. Mamahimo kini nga magdugang ug 10 percent sa higayon nga aduna kini Safety Seal.
Samtang ang mga Outdoor tourist attractions ang ginatugutan ug hangtud 30 percent capacity basta kay hugtanon nga ipatuman ang minimum public health standards.
Tugtan sab ang Staycations ug uban pang Department of Tourism (DOT)-accredited accommodations. Ang Indoor dining mamahimong tugtan ug hangtud 20 percent area capacity. Mamahimo kini nga magdugang ig 10 porsyento kung aduna kini Safety Seal.
Samtang ang Outdoor dining tugtan ug hangtud 50 percent.
Sa mga Religious activities anaa sa 10 porsyento ang gitugot apan mamahimo kini nga madugangan ug hangtud 30 percent depende sa local government.
Gawas sa Davao ang pipila ka lugar sa Davao region ang pabilin karon sa modified enhanced community quarantine (MECQ).
