DAVAO CITY – Gikonsiderang bonus sa usa ka Ateneo de Davao University kon ADDU Law graduate nga si Atty. Michael Delgado kinsa Bar 2022 passer, ang pagsakmit sa top 30 exemplary grades.
Sa eksklusibong pakighinabi sa Bombo Radyo Davao, aminado si Atty. Michael Delgado nga wala siya nagdahom nga maapil siya sa exemplary passer sanglit dili kaayo siya focus sa Bar examination gumikan sa pagka ospital sa iyang inahan.
Sa video nga gi upload sa social media sa igsuon niining si Don Rafael Delgado, makitang giatangan sa tibuok pamilya ang result sa Bar exam. Napuno sa kalipay ang usa ka lawak human nga nakita ang pangalan ni Atty. Michael Delgado, kinsa naapil pa sa top 30 exemplary passer o mga Bar passer nga dunay above 85% average passing grades.
Nasayran nga personal choice ni Atty. Delgado ang pagtungha sa Law School human sa usa ka tuig nga realization kon kaya ba niyang mupadayon sa maong career. Sa karon wala pa siya’y idea sa iyang sunod nga plano sa iyang career sanglit overwelmed pa siya sa mga balita.
Tambag nalang ni Atty. Delgado sa mga aspirant law students nga kinahanglan i-enjoy ang journey sa law school hangtod nga makapasar sa Bar.
