DA, walay nakitang natigayong hoarding sa sibuyas sa nasud

Walay nakita nga bisan unsa nga kalihukan sa hoarding kon pagtago sa mga bombay ang Department of Agriculture (DA).

Sumala pa ni Agriculture Secretary Francisco Tiu Laurel, nga gilibot nini kauban ang Bureau of Plant Industry ang mga bodega sa bombay sa Southern Tagalog ug Central Luzon diin nakita niini nga aduna lamang 500 metric tons sa pula nga bombay ang nahibilin.

Gipahigayon niini ang maong inspeksyon gumikan sa pagsaka sa presyo sa bombay kung asa anaa na sa kapin P200 ang matag kilo.

Gilaoman usab sa ahensya nga muobos na ang presyo sa pula nga bombay sa Marso ug Abril gumikan kini ang panahon sa pag-ani sa pula og puti nga bombay.

Gikatakda usab nga muabot ang mga gi-import nga bombay sa sunod nga adlaw.