Mipahimangno ang Department of Agriculture (DA) sa mga namaligya og isda nga dili unta pasobrahan ang presyo sa ilahang baligya.
Kini tungod gilauman nga kusog ang pamalit sa isda karong panahon sa Semana Santa.
Sumala pa ni Agriculture Deputy Spokesperson Joycel Panlilio, ang presyo sa galunggong kon “burot” ug Matambaka kinahanglan magpabilin sa mga P200-P300 ang matag kilo depende sa kalidad og klasi sa isada, samtang ang bangus dili molapas sa P250 kada kilo, ug ang tilapia dapat dili molapas sa P180 kada kilo.
Kung adunay kalihukan sa presyo, gagmay lamang unta kon minimal lamang.
Gilauman usab nga moubos na ang presyo sa mga isda pagkahuman sa Semana Santa.
Gipasalig usab ni Panlilio nga adunay mga ginsakapan ang ahensya nga nagabantay ug surpresa nga nagamomonitor, aron kasuhan o patubagon ang mga abusadong negosyante nga mapahimuslanon sa sitwasyon.
