DA, gipaneguro nga dili malugi ang gobyerno gumikan sa pagbaligya niini ug bugas nga P40 matag kilo

Gipatuman na sa gobyerno ang pagbaligya ug baratong bugas sa mga merkado ubos sa Rice-for-All program sa Department of Agriculture (DA).

Gipahayag ni DA Spokesperson Assistant Secretary Arnel de Mesa, dili malugi ang gobyerno gumikan sa pagbaligya niini ug P40 per kilo nga bugas.

Gipalapdan pa ang pagbaligya sa baratong bugas sa mga merkado sa Pilipinas.

Dugang pa sa opisyal, mo-abot lamang sa P37-P38 ang kuha sa Food terminal Inc. alang sa bugas, hinungdan nga makaya kining ibaligya sa P40 matag kilo.

Nahilakip sa mga gibaligyang bugas mao ang mga lokal ug imported nga bugas.

Gipaneguro usab sa opisyal nga bisan barato ang presyo sa bugas, magpabilin pa gihapon kini nga adunay kalidad.