DAVAO CITY – Nanawagan ang ahensiya sa Department of Agriculture (DA) 11 ngadto sa publiko nga suportahan ang produkto sa mga mag–uuma ug gitambagan sab niini ang mga nagkadaiyang ahensiya sa kagamhanan nga direkta na nga mopalit ug bugas sa mga nahisgutan.
Tipik lamang ang maong lakang isip pagpakita sumala pa ug suporta sa mga local farmers nga grabe matud pa nga apektado sa ubos nga presyo karon sa humay.
Sumala pa kang Noel Provido, information officer sa DA-11, nga makiglambigit na sila karon sa mga nagkadaiyang ahensiya partikular na sa Department of Social Welfare and Development (DSWD) aron awhagon kini nga sa local farmers na lamang kuhaon ang bugas nga ilang ihatag sa mga benepisiyaryo sa pantawid pamilyang pilipino program (4ps).
Sa kasamtangan, anaa sumala pa sa P16 ngadto na P17 ang presyo sa matag humay.
