DAVAO CITY – Nangandam na sab karon ang ahensiya sa Department of Agriculture (DA) alang sa pagbuhi ug mga sentinel pigs kini aron masubay kung aduna pay kaso karon sa African Swine Fever (ASF) sa dakbayan.
Una ng gibutyag sa DA nga ipahimutang sumala pa ang mga sentinel pigs sa mga lugar sa dakbayan sa Davao nga una ng nakatala ug kaso sa ASF sa milabay nga tuig.
Kung kahinumduman anaa sa unom ka bulan na nga wala nakatala ang dakbayan ug ASF nga una ng nakaapekto sa daghanang mga hog raisers.
Gibutyag sab sa DA-11 nga mas maayong magbuhi una ug sentinel pigs sa mga apektadong barangay aron masayran kung itugot na ang subling pagbuhi ug mga baboy sa mga barangay nga una ng na-igo ug ASF.
Una ng gibutyag ni Karl Penida, Agriculturist II sa DA-11, nga apektado sab karon ang dakbayan sa Davao ingon man mga kasikbit nga lugar sa rehiyon ug tibuok Pilipinas sa pagsaka sa presyo sa karne nga nihit ang supply gumikan sa kaso sa ASF.
