DAVAO CITY – Gipasalig sa Department of Agriculture (DA) nga tabangan nila nga maka-recover ang Banana sector sa Davao region kini pinaagi sa Production and marketing assistance.
Una ng gibutyag ni Agriculture Secretary William Dar nga migahin ang DA ug PHP3 million marketing ug public relations campaign fund arun nga ma-promotar ang Philippine bananas sa Japan.
Nasayran sa ahensiya nga nagpabilin pa gihapon karun ang nasud isip second-largest banana exporter sa tibuok kalibuntan tungod sa nahimong kontribusyon niini sa Industriya.
Gipasalig sa ahensiya nga magpadayon ang ilang mga programa ug suporta sa banana industry ilabi na sa production and marketing ingon man pakiglambigit tali sa Local Government Units (LGUs) ug farming communities.
Kahinumduman nga mikabat sa 35 ka mga banana companies ang una ng nakigkita sa DA officials dinhi sa dakbayan arun nga hisgutan ang uban pang areas sa partnerships.
Samtang nagpadayag sab sa iyang dakung pagpasalamat si Pilipino Banana Growers and Exporters Association, Inc. (PBGEA) executive director Stephen Antig ngadto sa ahensiya sa paghimo ug dalan aron nga makasugakod sa recovery ang banana industry.
