DAVAO CITY – Bisan nga wala pay natala nga kaso sa bird flu dinhi sa Davao region, gipahimangnoan pa gihapon sa Department of Agriculture (DA) 11 ang mga poultry owner nga kinahanglan bakunahan niini ang ilang mga binuhing manok, pato ug daghanan pang uban.
Sa kasamtangan, giila pa gihapon sa DA 11 nga isolated case ang nahitabong bird flu outbreak sa usa ka lugar sa Nueva Ecija.
Sumala pa kang Noel Provido, tigpamaba sa Department of Agriculture (DA) 11 angayan lamang nga motamud ang mga nanag-iya ug poultry farm sa mga ipagula nga protocol aron nga malikayan nga pagkatag sa sakit nga sagad mo-igo sa mga manok.
Gitataw sab sa nahisgutan nga sagad sumala pa nga maapektohan niini mao kadtong mga backyard raisers hinungdan nga gitambagan ang mga nahisgutan nga kinahanglan ipatuman ang bio-security measure.
