DAVAO CITY – Gihingusgan karon sa Department of Information and Communications Technology (DICT) ang cyber security courses nga himoon nga usa sa mga subjects sa senior high schools ug universities sa dakbayan sa Davao.
Dili pa lamang dugay ang DICT mipahigayon sa iyang ikatulo nga leg sa Cybersecurity Caravan sa Ateneo de Davao University (AdDU) nga gitambungan sa mokabat ngadto sa 1,500 ka mga senior high school students gikan sa public ug private schools sa dakbayan.
Nagtumong ang caravan sa pagpakusog sa awareness kalabot sa pagpakusog sa internet sa pagsanta sa cybercrime, diin gika-report nga sujad sa 2012 hangtud sa kasamtangan. Si DICT Assistant Secretary Allan Cabanlong, in-charge alang sa cybersecurity and enabling technologies, namahayag tipik sa ilang katoto-an sa pagduaw sa dakbayan mao ang pagpakighinabi sa Department of Education (DepEd) ug Commission on Higher Education (Ched) kalabot sa pag-integrate sa cybersecurity sa school curriculum.
Gitin-aw ni Cabanlog nga ang cybersecurity mahinongdanon nga matuki atubangan sa mga estudyante gumikan kay sila ang active users sa social media diin ang cyber frauds komon.
Ang DICT bag-ohay lamang gayud nakaporma sa Cybercrime Investigation and Coordination Center (CICC) nga misagol sa paradigm nga gitawag nga National Cybersecurity Strategy Framework.
Sumala pa kang Cabanlog nga nagkulang pa kini ug empleyado gumikan kay limitado ang mga experto sa cybersecurity sa nasod.
Kini ang hinongdan nga gi-target nila sa Cybercrime Caravan ang mga universities aron sa pag-agni ug pagdasig kanila nga motanyag ug mga kurso nga kalabot sa cybersecurity.
Mohatag kini sa CICC graduates kinsa hanas sa maong natad bintaha.
Dugang pa niya nga ang cybersecurity graduates dili lamang mangatungdanan sa CICC apan daghanan sab ang gikinahanglan sa uban pa nga mga kompanya isip cyber professions.
Bisan pa gani sa gawas sa nasod gikinahanglan sab kini.
