DAVAO CITY – Gilaraw karon sa Task Force Davao nga ipabansay ang mga magutuon dinhi sa dakbayan sa natad sa culture of security.
Gikanayon ni TF Davao Commander Colonel Darren Comia nga mubisita ang kasundaluhan sa mga tulunghaan gikan elementarya hangtud high school aron matudluan ug mapahinumduman ang mga kabatan-onan sa mga angayang buhaton aron masiguro ang seguridad dinhi sa Davao City.
Giandaman sab ang mga estudyante og learning materials alang sa laraw nilang school information drive.
Nasayod si Comia nga dagkong tabang ang maong lakang sa Task Force Davao aron pag-abot sa panahaon nga mamahimo silang lider sa dakbayan puhon, ila matod pang dalhon ang ilang makat-unan alang sa pagmintenar sa kalinaw sa Davao City.
Nakipag-koordina na ang kasundaluhan ngadto sa Schools Division Superintendent sa DepED Davao ug ila pang gihulat ang tubag sa ahensya kanila aron masugdan na nila kini og pahigayon sa mga pampubliko ug pribadong tulunghaan.
via || Bombo LJF
