DAVAO CITY – Mulungtad ngadto sa upat ka adlaw ang hingpit nga pagsirado sa mga dalan duol sa bisinidad sa San Pedro Square, kini tungod sa umalabot nga Inagurasyon ni VP elect Sara Duterte – Carpio sa Hunyo 19, 2022.
Subay sa gipagawas nga ordinance sa traffic plan gikan sa Davao City Transport and Traffic Management (CTTMO). Sugod ugmang adlawa Hunyo 16, alas 9 sa gabie, hangtod Hunyo 20 ning kasamtangang tuig, “REGULATED NO ENTRY” ug DILI PAPARKINGAN ang mga kalsada para sa mga sakyanan padulong San Pedro Street: -corner Pichon Street – City Hall Drive; -corner Pichon Street – Engineers Alley; -corner Pichon Street – Bolton Street; -corner Pichon Street – C.M. Recto Avenue; -corner C.M. Recto Avenue – San Pedro Street; -corner Rizal Street – Bolton Street; ug -corner Rizal Street – Ponciano Street. Samtang abri usab og pwede makaagi ang mga motorista sa mosunod nga mga ruta. -corner Pichon Street – Bolton Street; -corner C.M. Recto Avenue – San Pedro Street; -corner Rizal Street – Bolton Street; ug -corner Anda Street – San Pedro Street.
Gipasabot sab ni Dionesio Abude , HEAD , CTTMO, kon ngano kinahanglan siradaan pa nila ang dalang hangtud 20 sa hunyo,kini tungod mulungtad pa kuno og pila pa ka oras hangtud sa buntag , nga aron nila kini hingpit mahipos, ang mga kabtangan sama sa tent, stage, railings, ug ubang pang equipment nga gigamit sa inagurasyon. Apan, dugang pa sa opisyal nga ilahang ablihan dayon ang mga nasangpit nga kalsada sa dihang hingpit na nila kini na dismantle ug na clear na ang dalan.
Mipagawas usab og mga traffic scheme advisory ang ahensya sukad kagahapon adlawa ngadto sa mga establishemneto aron mapahibalo ang mga kalsada nga maagian og di maagan atol sa ipahigayon nga inagurasyon; susuma na lamang sa mga handles, leaflets, ug aduna sab giipit sa mga sakyanan ug gibutang sa mga establishemneto.
Samtang, gipahayag sab sa opisyal nga pwede ma parkingan alang sa mga bisita ang mga dalan sa washington paingon sa Quimpo hangtod sa LTO ug sa centralle; C.M recto ug mga adjacent road sama sa Palma gil.
Apan hingpit siradan ug dili maka parking ang mga motorista duol sa bisinidad sa San Pedro Square.
Gipahinumdumon sab ni Abude ang tanang katawhan nga mutambong nga mahimong mabinantayon ug pirme sundon ang minimum public health standards , sama na lamang sa pagsul-ob og face mask, sanitize o manghugos og kamot. Dili sab mahimong kompyansa tungod dili ta masayod unsay mahimong dagan sa Covid-19.
