DAVAO CITY – Gibutyag ni City Transport and Traffic management office (CTTMO) Head Dionesio Abude nga matag adlaw na sila manakop ug mga PUV drivers nga nagbaton ug expire na nga mga PUV ID.
Sumala ni Abude taas na ang panahon nga ilang gihatag nga lugway alang sa mga nahisgutan aron makapa-renew sa ilang mg PUV ID apan daghan lamang gihapon ang napakyas.
Sa kasamtangan, moabot na sa 175 ka mga drivers sa PUV sa dakbayan ang nadakpan sa CTTMO ug lauman nga mapun-an pa ang nahisgutang ihap gumikan kay mas pakusgan pa nila ang ilang operasyon.
Nasayran nga moabot na sa 9,521 na ka mga PUV drivers ang nakapa-renew sa ilang mga ID o katugbang kini sa 78% sa kinatibuk-ang ihap sa mga PUV ID nga na-renew niadtong tuig 2021 dinhi sa dakbayan. Dugang pa ni Abude nga aduna pay moabot sa kapin 2,700 ka mga PUV drivers nga kinahanglan nga magpa-renew sa ilang mga ID sa labing madali nga panahon aron makalikay sa pagpahamtang ug multa.
