DAVAO CITY – Arun nga magbaton pa ug dugang nga kasayuran ang mga Public Utility Vehicles (PUVs) kalabot sa mga balaud sa kadalanan ug mga posiliya sa dakbayan, ipadayon sa buhatan sa City Transport and Traffic Management Office (CTTMO) ang pagpahigayon ug Public Utility Drivers Seminar.
Kahinumduman nga una ng gibutyag ni CTTMO head Dionesio Abude nga sa mosunod nga semana, upat ka mga seminar ang ilang ipahigayon sa mga nagkadaiyang area sa dakbayan.
Gikanayong sa Marso 7, adunay ipahigayon nga seminar sa Toril Gym, Marso 8 sa Los Amigos Gym nga alang sa mga taga Tugbok district samtang sa March 9 sa Central Park Gym sa Talomo District ug March 10 sa Juliville sa Brgy. Tigatto Buhangin.
Nasayran sa opisyal nga magsugod sumala pa ang seminar sa alas otso buntag hangtud na sa alas singko sa hapon. Sa mga mutambong sa seminar, kinahanglan sumala pa nga dad-on lamang ang mga gikinahanglan nga mga rekisitos sama sa Driver’s license, kopya sa OR CR, photocopy sa franchise, photocopy sa valid ID sa operator, ug certification gikan operator kung si kinsa ang driver sa iyang unit.
Nag-unang katuyuan sab sa nahisgutan nga seminar nga subling magbatonm ug dugang kaalam ang mga driver sa mga balaud trapiko ilabi na nga pipila ka tuig sab nga wala na nakapahigayon ug susama nga aktibidad ang CTTMO gumikan sa nasinatian nga pandemiya.
