DAVAO CITY – Nangandam na sab karon ang ahensiya sa City Tourism Operation Office (CTOO) alang sa pagbalik sa International flight dinhi sa dakbayan sa Davao.
Gikanayong ang nahisgutan nga plano ang dako sumala pa ug matabang aron nga subling mobalik ang kalagsik sa ekonomiya sa dakbayan.
Kahinumduman nga una ng nagpagula si Davao City Mayor Sara Duterte-Carpio ug Executive Order No. 26 nga nagtugot na sa pagpadayon sa tanan nga mga domestic commercial flights ug international flights.
Una ng nadawat sa Civil Aviation Authority of the Philippines (Caap)-Davao International Airport (DIA) ang kamandoan nga tangtangon na ang tanan nga mga restrictions sa flight operations aron nga mas daghanan nga mga economic activities ang makasulod sa dakbayan ilabi na nga taas-taas na sab ang nahimong epekto sa pandemiya.
Hinuon mandepende pa gihapon kini sa mamahimong desisyon sa mga airline companies.
Gikanayong usa sa mga nahimong basehan karon sa kagamhanan ang hinay-hinay nga pag-ubo sa mga natalang natakdan ug covid-19.
Una ng gibutyag ni Dr. Ashley Lopez, head sa City Health Office (CHO) nga dili lamang sulod sa Airport ang hugtanon nga pagpatuman ug health protocols kung dili lakip na sa mga border sa rehiyon.
