DAVAO CITY – Gipahimagnoan karon sa City Tourism Operations Office ang mga residente nga plano nga mobiyahe gawas sa nasod nga subayon ang mga guidelines nga gi-isyu sa Department of Foreign Affairs (DFA).
Sumala pa kang Regina Rosa Tecson, head sa CTOO, kinahanglan nga makiglambigit ang mga biyahedor sa mga embassies o konsulada sa mga nasod nga ilang adtuoan ayha ang booking sa ilang tickets.
Gipahinumdoman sab ni Tecson ang mga mobiyahe nga mopalit lamang ug ticket direkta sa mga airline companies ug likayan ang mga dili lisensiyado nga mga travel agencies.
Una na sab nga mipahimangno ang Department of Foreign Affairs (DFA) sa mga travelers nga subayon ang ilang official platforms matag karon ug unya sanglit nagabag-o sab ang mga ginapatuman nga travel bans ug restrictions sa uban nga mga nasod.
