DAVAO CITY – Gi-awhag karon sa City Tourism Operations Office (CTOO) ang mga establisyemento sa siyudad nga mag-proseso sa ilang certificates ingon man mayor’s permit ayha magpahigayon ug meetings, incentives, conferencing, and exhibitions (MICE).
Sumala pa kang CTOO chief Generose Tecson nga ang nahisgutan nga proseso ang mahinungdanon ilabi na nga padayon karon ang siyudad sa pagpakigbatok sa bahad sa coronavirus disease 2019 (Covid-19).
Nagkinahanglan sab sumala pa ang Public Safety and Security Command Center ug registration information alang sa strategize security plans.
Nasayran sa opisyal nga ubay-ubay na ka mga organisasyon ang nakapahigayon ug MICE sa kasamtangan dinhi sa siyudad sukad kaniadtong gipailalom sa Alert Level 2 ang dakbayan diin gitugtan ang 50-percent indoor capacity ug 70 ang percent outdoors.
Gani ang kadaghanan sab sa mga establisyemento ang mangayo ug proofs of full vaccination ayha tugtan sa susama nga aktibidad.
Gipahimangnoan sab ni Tecson ang mga nanag-iya ug negosyo nga ang ilang permit mamahimong ma-revoke ug dili na ma-renew sa higayon nga dili kini mutamod sa kamandoan.
Kahinumduman nga ang Renewal sa business certificates ang ginapahigayon matag bukan sa Enero.
