DAVAO CITY – Gipahibalo sa City Tourism Office (CTO) ngadto sa mga Inbound Domestic Travelers paingon dinhi sa dakbayan via Air, Land or Sea nga wala sumala pay gipatuman nga Travel restrictions o rekisitos.
Apan gikanayon sa ahensiya nga ilang gipahimangnoan ang mga turista nga siguruhong nakapa-book na sa mga hotels & tours diin ang nahisgutan nga mga establisyemento kinahanglan adunay valid business permits.
Sa mga inbound international travelers pasulod sa Francisco Bangoy International Airport, lauman nga ipatuman ang hugtanon nga mga lakang pinasikad sa IATF Guidelines ilabi na karon nga nagpadayon ang bahad sa Omicron diin anaa na sa napulo ang natala karon sa nasud.
Nanawagan sab ang ahensiya sa mga pasahero nga motamud lamang sa mga sumbanan sa lokal nga kagamhanan ilabi na nga alang lamang kini sa kaayuhan sa tanan.
Kahinumduman nga wala na karon gipatuman sa Davao airport ang pagpangayo ug negative result sa RT-PCR test sa mga pasahero ilabi na karon nga hinay-hinay pa nga mibangon ang ekonomiya sa dakbayan human ang grabe nga epekto sa covid-19.
