CSC mihatag ug katin-awan kalabot sa “No noon break” policy sa mga empleyado sa kagamhanan

DAVAO CITY – Mihatag ug katin-awan si Alecia dela Rosa-Bala, chair sa Civil Service Commission (CSC) nga ang “No noon break” policy sa mga ahensiya sa kagamhanan wala nagpasabot nga dili na maniudto ang mga empleyado sa gobyerno.

Sumala pa opisyal nga nagpasabot kini nga kinahanglan dili maputol ang transaksiyon sa mga indibidwal sa mga buhatan sa kagamhanan pinaagi sa pagpuli-puli sa mga empleyado nga nakadestino sa usa ka departamento o ahensiya kini aron masiguro nga maakomodar ang tanan nga adunay transaksiyon.

Gitataw sab ni Bala nga kinahanglan kung wala mohulip sa usa ka empleyado panahon sa paniudto, kinahanglan nga himuan ug pamaagi sa department head aron masiguro nga dili maputol ang transaksiyon sa mga kostumer.