DAVAO CITY – Aduna nay mga tulonghaan sa dakbayan sa Davao ug mga testing center sa kasikbit nga siyudad ang himuon nga venue alang sa ipahigayon nga Career Service (CS) Exam karung Marso 13, 2022.
Sa kasamtangan gipahimangnoan ang mga mokuha sa exam nga i-check ang www.csc.gov.ph nga website around nga masayran ang room assignment sa mga nahisgutan.
Tungod kay padayon pa ang nasinatian nga pandemiya hatud sa Covid-19, anaa lamang matud pa sa 12 ka mga examinees ang tugtan sa matag lawak.
Dinhi sa dakbayan sa Davao anaa sa walo ka mga tulonghaan ang mamahimong venues sa mga naka-schedule nga CS exam samtang usa ka testing center sa Tagum ug Mati sa Davao oriental.
Sumala pa kang Evelyn Yparragguirre, chief Human resource specialist, CSC-11, nga kadtong mga examinees nga dili bakunado ug partially vaccinated, kinahanglan magdala ang mga nahisgutan ug negative RT-PCR test result sa Antigen, saliva o RTPCR test. Sa mga mipailalom sa Antigen test, kinahanglan nga makuha sa mga examinees ang resulta niini not early than 6:am sa Sabado o adlaw ayha ang eksaminasyon.
Samtang makita na sab sa website sa CSC ang room assignment sa laing hugna sa exam sa Hunyo 19, 2022 ug Agosto 7, 2022.
