DAVAO CITY – Nakatala ang Davao Police Regional Office ug pag-ubos sa crime volume gikan sa 57 last week ngadto sa 39 karong semanaha.
Sumala pa kang Maj. Jason Baria, PRO XI spokesperson, nga kanunay ang ilang gipahigayon nga trajectory sa crime volume sa Southern Mindanao sukad sa milabay nga tuig.
Base sa data gikan sa Regional Investigation and Detective Management Division alang sa period nga Abril 1 hangtud 7, nakatala sumala pa ang rehiyon ug 31% nga pag-ubos sa walo ka mga klase sa krimen sama sa murder, homicide, physical injuries, rape, robbery, theft, car theft, ug motorcycle theft.
Una ng gibutyag ni Brig. Gen Morales nga nagapahigayon ang oversight committee ug pag-check sa mga station commanders latas sa rehiyon aron nga masiguro nga makab-ot sa mga nahisgutan ang target goals sa ilang organisasyon.
Gipasalig sab ni Morales nga magpadayon ang ilang special operations sama sa Oplan Dabaw Kalinaw ingon man paggamit sa Police Riders’ Response sa Davao (motorcycle cops).
