DAVAO CITY – Gipahigayon kaganinang buntag ang kick-off ceremony sa crime prevention week sa Police Regional office (PRO) eleven atol sa flag raising ceremony sa Davao City Hall Drive.
Sumala pa kang Police Chief Inspector Mil Grace Cajes Driz, tigpamaba sa PRO-11, mismong si Pro Director Police Chief Supt. Marcelo Morales ang guest speaker sa maong kalihukan.
Sa kampanya sa kapolisan batok sa kriminalidad, makig-alayon sab ang PRO-11 sa mga stakeholders, labi na sa local government units, academe ug uban pa na law enforcement forces aron nga pakigbatukan ang lawlessness ug kriminalidad.
Nag-awhag sab ang PRO-11 ngadto sa publiko nga makig-alayon sa mga tinugyanan sa balaod aron sa pagseguro sa public safety ug seguridad pinaagi sa pag-text, e-mail, o kaha paghatag sa CCTV footage o kaha video sa bisan unsa nga krimin nga mahitabo sa ilang lugaer.
Ang tema sa kasaulogan sa Crime Prevention Week karong tuiga ‘Mamamayan Sama-samang makialam upang krimin at kurapsyon ay Hadlanan.’
Gipahigayon kini subay sa Presidential Proclamation 461 niadtong 1994 nga mi-deklara sa unang bulan sa Septembre isip National Crime Prevention Week.
