DAVAO CITY – Aron pabilin nga ma-protektahan ang kinaiyahan nga sakop sa Mt. Apo, mihimo na karon ug pipila ka mga plano ang Department of Environment of Natural Resources (DENR).
Kalakip sumala pa sa ilang himuon nga lakang mao ang pagpahimutang ug ‘standard facilities‘ sama sa Comfort Rooms kon C.R.
Sumala pa kang DENR X1 Regional Executive Director (RED) Bagani Fidel A. Evasco nga atol sa ilang gihimong pagpanubay paingon sa Mt. Apo namatikdan nila nga adunay kinahanglan nga palambuon aron masiguro nga dili madaut ang kinaiyahan.
Plano sab sa ahensiya ang pagbutang ug dugang pa nga mga signages ug kinahanglan nga pahugtan pa ang pag-patrolya sa lugar.
Himuon sa ahensiya ang maong lakang human nga dili na matud pa ipadayon ang temporaryo nga pagpasira sa Mt. Apo.
Kinahanglan sumala pa nga mohimo na ug lakang ang DENR human namatikdan nga adunay mga trekkers ang nakahimo ug mga kalapasan sama saw ala pagtamud sa IATF guidelines labot health protocols, daghanang mga basura ang gipanglabay, vandalism, adunay mga hugaw sa tawo, ug narekober nga butang nga mamahimong makadaut sa Strict Protection Zone or SPZ.
Gikanayong mamahimo pa gihapon nga makasaka sa Mt. Apo sa umaabot nga kwaresma apan kinahanglan nga motamud sa mga polisiya ang mga trekkers ug likayan nga mohimo ug mga aktibidad nga hugtanong gidili sa balaud.
