DAVAO CITY – Subli nga nagpahinumdom si Davao City Covid-19 Task Force Spokesperson Dr. Michelle Schlosser sa mga ginikanan nga irehistro ang ilang anak nga nag-edad ug 0 hangtud 11 sa Safe Davao QR code ilabi na kung tugtan na ang mga nahisgutan nga makasulod sa mga mall ingon man sa mga business establishments in Davao City nga nanginahanglan i-scan ang ilang DQR.
Gipasabot sa opisyal nga mandato sa dakbayan ang SafeDavao QR diin sakop sab ang mga bata nga anaa sa 0 hangtud 11 anyos.
Laraw sab niini nga dali lamang nga masubay sa contact tracing system sa higayon nga aduna kini nakahimamat nga mga tawo nga expose sa kagaw ilabi na ang bag-ong variant nga Omicron.
Una ng nagpahimangno ang lokal nga kagamhanan sa mga Dabawenyos nga padayon karon nga gigamit ang DQR sa contact sanglit nagpadayon pa ang nasinatian nga pandemiya.
Kahinumduman nga una na sab kini nga gigamit dihang nagpahigayon ug distribution sa Christmas “Pahalipay” o donations sa lokal nga kagamhanan.
