DAVAO CITY – Mas palambuon pa sa lokal nga kagamhanan ang mga district health centers pinaagi sa pagpahimutang ug mga vaccination teams alang sa anti covid vaccines sugod sa bulan sa Hulyo aron mamahimong accessible ang pagbakuna batok coronavirus ngadto sa tanang dabawenyo.
Pinaagi sa pagbalhin sa anti-Covid vaccination activities ngadto sa mga district health centers, mahiusa na ang tanang mga vaccination sites nga naa nahimutang sa mga malls, parks, ug aa usaka tulunghaan nga mag operate hangtud na lamang sa katapusan nga bahin karong bulan sa Hunyo.
Subay sa pahibalo ni Davao City Vaccination Cluster Head Dr. Josephine Villafuerte magsugod ang pagbakuna batok covid 19 sa mga district health centers sa July 4, 2022.
Dugang pa ni Villafuerte nga ang mga vaccination site nga naa karon sa 9 ka mga malls, 2 naa sulod sa mga parks ug usa sa Calinan Elementary School ang ibutang sa dese otso mga health centers sa dakbayan sa Dabaw.
Ang kalahian lamg sumala pa sa district vaccination rollout mao ang pagdawat na lamang sa mga district health centers sa mga residente nga nasakop sa ilang tagsa tagsa ka mga distrito.
Gipasalig usab ni Villafuerte ngadto sa mga Dabawenyo nga baatante ang mga supply ug mga equipment alang sa matag distrito.
