DAVAO CITY – Nakatala na karun ug pag-ubos ang Department of Health (DOH)-Davao sa Covid-19 vaccination drive sa Davao region sa milabay nga mga semana.
Sumala pa kang Dr. Janis Olavides, focal person sa Covid-19 Vaccination Program sa DOH-Davao, nga adunay pipila ka ihap sa mga vaccineers ang nakakuha na ilang first, second, ug booster shot doses.
Nasayran sa health official nga ang dakbayan sa Davao ang adunay pinakataas nga ihap sa mga vaccinated individuals nga anaa sa kapin 80 percent sa first ug second doses, apan hinay pa gihapon karon ang turnout sa booster shot vaccines samtang sa uban nga probinsiya anaa pa gihapon sa 50 percent ang mga anaa sa first ug second dose.
Hinuon wala na mihatag pa ang DOH official ug dugang pa nga figure.
Gitataw ni Olavides nga tumong sa fourth National Covid-19 Vaccination Day (NVD) o Bayanihan, Bakunahan sa Marso 10 hangtud 12 nga madungagan pa ang pagbakuna sa 12 anyos pataas nga mga indibidwal ilabi na kadtong mag-second dose ug missed doses, mga nahibilin sa Priority Group A2 (senior citizens), pediatric age groups 12 to 17 years old, ug booster doses sa health ug economic sector.
Kalakip sab sa vaccination program sa kagamhanan ang pag-deploy sa mobile vaccination ngadto sa kumunidad.
Gikanayong sukad Marso 7, nakatala na ang DOH-Davao ug 2,932,423 individuals gikan sa 4,361,158 target population ang fully vaccinated. Gikan sa mga fully vaccinated, 12.4 percent ang nabakunahan na ug booster dose.
