DAVAO CITY – Mihatag ug katin-awan si Davao City Covid-19 Task Force Spokesperson Dr. Michelle Schlosser sa publiko nga wala sumala pay adult vaccination sites ang nanirado ug gi-awhag ang mga unvaccinated Dabawenyos nga magpabakuna.
Gikanayong ang tanan nga mga vaccination hubs sa Davao City ang abli pa alang sa first, second, ujg kadtong buot nga magpa-booster doses sa anti-Covid vaccines nga sakop sa eligible adult groups.
Pipila sa mga operational vaccination sites sa siyudad ang gilangkuban sa Magallanes Elementary School, F. Dizon Elementary School, Abreeza Mall, Davao City National High School, SM City Ecoland, Matina Aplaya Elementary School, Mabini Elementary School, SM Lanang Premier, Buhangin Elementary School, TESDA Korphil sa Bunawan, Philippine Ports Authority-Sasa, Malabog Elementary School, Malagos Elementary School, Calinan Central Elementary School, Marilog Elementary School, Gmall Toril, Don Juan Elementary School-Toril, ug Mintal Central Elementary School.
Gikanayong gi-ablihan sab karun sa siyudad ang special vaccination sites sa Almendras Gym, San Roque Elementary School, V. Hizon Elementary School, USEP Gym, People’s Park, ug Ma-a National High School.
Magpahimangno karun ang siyudad sa mga buot mukuha ug first dose nga magdala ug DQR, valid ID, ug ballpen samtang ang second dose ug booster shots magdala ug vaccination card.
Gani nagpadayon sab sumala pa karun ang mobile vaccination sites sa mga barangay nga gidumala sa mga konsehal ingon man ang door-to-door vaccination sa Office of the Vice Mayor.
Samtang ang drive-thru vaccination sa Crocodile Park ug drive-thru vaccination sa People’s Park nga alang sa senior citizens ug persons with disabilities ang nagpabilin sab karun nga abli.
