Nihatag og katin-awan si Davao City First District Councilor Bernard Al-ag kabahin sa wala niini pag-uyon sa P2.2B Supplemental Budget ning tuiga atol sa regular session kaniadtong nakalabayng adlaw.
Matud pa sa opisyal, sobra, dili makatarunganon, ug dili angay ang pag-allocate og P354,396,000 sa City Social Welfare and Development Office (CSWDO) alang sa “capability building on sectoral issuances and existing programs and services.” Kini tungod alang kaniya, gamiton lamang kini alang sa mga seminar ug training lakip na ang gasto sa pagkaon ug pagbayad sa venue.
Dugang pa niini nga sobra lamang ang P345M sanglit nacover na niini ang 16% sa kinatibuk-ang budget rason nga dili sab kini makatarunganon hilabi pa nga pakyas kining maprayoridad ang mga immediate concerns.
Dili usab angay kon inappropriate ang lakang sanglit P257,000 lamang ang giallocate sa Persons with Disability (DWD) Support Program.
Matod pa ni Councilor Al-ag, mahimo hinuon nga gamiton ang kuwarta sa pag-ayo sa dili magamit nga traffic lights, medikal nga tabang alang sa mga kabus ug PWDs, rehabilitasyon sa mga sementeryo ug publikong merkado, drainage projects ngadto sa mga flood- prone areas, ug uban pang mga problema sa syudad.
Apan bisan paman niini, naaprobahan ang maong Suplemental Budget sa boto nga 15-1 ubos sa leadership ni Vice Mayor J. Melchor Quitain Jr. diin nagtumong sa pagpataas sa sweldo sa mga plantilla employees lakip na ang gratuity pay sa mga job orders ug contract service.
