DAVAO CITY – Buot ipalihok sa usa ka konsehal sa Davao City ang pagmugna og usa ka ordinansa nga magmugna og coordinating body nga gilangkuban sa mga kasilinganang lawak sa Davao City gumikan sa pipila ka mga polisiya sa ubang syudad nga nga nakaapekto sab sa kapikas nga mga lungsod.
Gikanayon ni Davao City 2nd District Counselor Diosdado Mahipus Jr., nga kinahanglang mugnaon ang usa ka joint coordinating body sa mga lokal nga panggamhanan nga mamahimong magtagbo ug mahiusa niini ang katawhan sa pagmugna ug mga polisiya alang sa kaayuhan ug benepisyo sa matag katawhan.
Usa sa mga gipunting niini ang gikaangal sa pipila nga P50 environmental fee sa Island Garden City of Samal, tungod sa kamahal niini.
Matud pa ni Mahipos, lisod ang magbutang og polisiya nga makabenepisyo ang usa ka panggamhanan ug makadaot sa pikas nga panggamhanan.
Gumikan sab sa maong laraw ang pagkasumpay sa duha ka syudad pinaagi sa ginasugdang Samal Island – Davao City Connector project.
Kahinumdumang gipatuman sa Samal Island LGU ang daw mahal nga enironmental fee alang sa mga programang pang-kinaiyahan sa isla.
Una nang gipanghinaot ni Mayor Al David Uy ug ubang Samaleño nga masabtan sa tanang mubisita o turista sa isla nga ang kita nga ilang makolekta sa environmental fee ang gamiton alang sa kalimpyo ug kalambuan sa isla.
via || Bombo LJF
