DAVAO CITY – Hingpit na nga gisugdan kagahapong adlawa ang coordinated patrol tali sa Indonesia ug Philippines o Corpat Philindo 33-2019.
Kahinumduman nga miabot na dinhi sa dakbayan niining milabay nga adlaw ang Indonesian Sea Vessel sakay ang kapin 60 ka mga Indonesian Navy aron nag mosalmot sa maong aktibidad.
Sumala pa kang Commodore Ramil Robert Enriquez, commander sa Naval Force sa Easternmindanao, nga dakong tabang ang susama nga kalihokan aron nga mapugngan ang mga adunay dautan nga plano sama na lamang sa mga terorista.
Gani nakatabang sumala pa kini kaniadtong nahitabo ang Marawi siege nga maoy hinungdan sa pagkasikop sa pipila ka mga terorista.
Samtang gibutyag ni Admiral Jonias Mozes Sipasulta, Vice chairman sa Republic of Indonesia Boarder Committee, nga gawas nga magbaton ug maayong relasyon ang Pilipinas ug Indonesia makabatang sab ang coordinated patrol aron nga mapalig-on ang panaghigalaay sa duruha ka nasod.
