DAVAO CITY – Magtukod pag-usab ug bag-ong tulay ang contractor sa nahugmak nga concrete bridge sa Sitio Kulafu, Brgy Magsyasay marilog district ning dakbayan sa Dabaw. Kini ang gibutyag ni Dean Ortiz ang spokesperson sa Department of Public works and highways (DPWH) 11.
Gikanayon ni Ortiz, tulubagon ug responsibilidad sa MCCPI Construction sa pagpanguna ni project Engineer Arvin Socapen ang pagtukod pag-usab ug tulay sanglit dili na kini magamit gumikan sa dakong kadaut nga naangkon.
Dugang pa ni Ortiz nga naa na unta sa 89% ang completion sa nahisgutang tulay, apan tungod sa maong panghitabo back to zero na usab sila.
Sumala pa usab ni Ortiz nga regular ug dugay na nga contructor ang MCCPI ug gani daghan nang mga nagkadaiyang mga proyekto ang nahimo niinji dili lamang dinhi sa dakbayan sa dabaw kung dili lakip na sa ubang bahin sa rehiyon.
kahinumduman nga tulo ang nasamdan sa kalit nga pagkahugno sa ongoing construction nga tulay alas 8:40 kagahapon sa buntag.
Gikanayon ni Socapen, naa sila sa proseso nga pagbutang ug semento sa salug sa tulay sa dihang kalit na lamang nga nahugmak kini.
Posibling hinungdan sumala pa sa pagkahugma ang bonding sa epoxy sa tulo ka mga segments sa flooring sa tulay nga nag-bubble.
Giila ang mga nanga-angol nga sila Felix Camansi, rigger man sa MCCPI Construction nga naka-angkon ug samad sa tuong batiis, ug ang duha ka mga residente sa sitio kulafu nga sila Judy Palomar ug Ronald Padernal nga naka-ankgon lamang ug gagmay’ng pangos sa lawas.
Sa karon naa na luwas nga kahimtang ang mga biktima human madala sa balay tambalanan.
