Gibutyag ni government contractor Pacifico “Curlee” Discaya II nga ang porsyento sa kickback sa mga proyekto sa kongresista nakadepende sa nakalingkod nga presidente pinaagi sa ilang “bag man.”
Ang iyang pag-rebelar gihimo atol sa padayon nga imbestigasyon sa Senate Blue Ribbon Committee bahin sa anomalya sa flood control projects, Martes, Setyembre 23.
Base sa affidavit ni Discaya, nagsugod silang mosalmot sa bidding sa gobyerno niadtong 2012.
Gibutyag niya nga sa panahon ni Presidente Benigno “PNoy” Aquino III, ang kickback o “padulas” moabot lamang og 10% sa kontraktor. Niadtong administrasyon ni dating Presidente Rodrigo Duterte, misaka kini sa 12% hangtod 15%.
Samtang sa kasamtangang administrasyon ni Presidente Ferdinand Marcos Jr., midoble ang porsyento sa 25% hangtod 35%, sumala sa obserbasyon ni Discaya.
Ang testimonya naghatag og klaro nga pagtan-aw sa tinuod nga pagpadagan sa pondo sa proyekto ug sa kalabotang anomalya sa gobyerno.
