Gitangtang na sa House Quad Committee ang contempt orders sa Lucky South 99 representative nga si Cassandra Ong, kanhing Bamban Tarlac Mayor Alice Guo, Chinese Business Man nga si Tony Yang ug uban pang mga witness nga nahilakip matud pa sa ilahang imbestigasyon.
Gipahigayon ni Abang Lingkod Party-List Rep. Joseph Stephen Paduano ang maong mosyon alang sa paghuman sa mega panel nga 13th hearing niadtong nakalabayng gabii.
Giaprobahan sa Quad Comm ang maong mosyon,pinaagi sa pagpangulo ni Chairperson Surigao Del Norte 2nd Dist. Rep. Robert Ace Barbers.
Gipakita sab ni Paduano ang nahimong apela ni Ong diin kasamtangang nagtingkagol karun sa Correctional Institution for Women sa Mandaluyong City.
Usa matud pa sa nahimong rason sa mga magbabalaod labot sa pagpatangtang sa contempt order, aron nga hinumdumon sumala pa ang ispirito sa Kapaskuhan.
Samtang, gikontra sab kini ni Lanao Del Sur Rep. Zia Alonto Adiong ang maong pagpatangtang sa contempt order sa mga nahisgutan, diin magduso sumala kini og mosyon ngadto sa Korte Suprema nga aron kwestyonon ang nahimong manadato, lakip na sab ang kagahum ug otoridad sa Quad Comm.
