DAVAO OCITY – Padayon nga gipakusgan karon sa lokal nga kagamhanan sa dakbayan sa dabaw ang contract tracing ngadto sa mga naka close contact sa covid-19 patients, kini subay sa gi-aprubahang Executive Order ni Davao City Acting Mayor Sebastian Duterte.
Kahinumdoman nga kaniadtong Abril 6, gipirmahan ni Acting Mayor Sebastian Duterte ang EO. 20 o ang Mandatory Swabbing sa tanang F1, F2 ug F3 contacts sa usa ka covid positive patient sa syudad.
Ang tumong matud pa niini aron mas mapakusgan pa ang contract tracing ilabi na nga nagpadayong naga ubos ang kaso dinhi sa syudad ingon man aron mapugngan ang pagkuyanap sa covid-19.
Hinuon,gitino ni City Health Office Head Dr.Ashley Lopez nga libre lamang ang swab test sa mga close contacts nga ginapahigayon sa Sta. Ana Health Center ug uban pang swabbing area dinhi sa syudad.
Posible matud pa nga makamulta o makasuhan kung si kinsa man ang musupak sa nahisgutang mando sa kagamhanan.
