DAVAO CITY – Gipasalig sa bag-ong Consul General of Japan in Davao City nga si Ishikawa Yoshihisa nga dungan sa iyang paglingkod sa katungdanan tutukan niini ang kaayuhan sa mga Japanese descendants, Mindanao Peace Process, ug potential investment opportunities ilalom sa iyang termino.
Kahinumduman nga kinasing-kasing nga gidawat ang nahisgutan atol sa gipahigayon nga courtesy call niini sa Davao City Hall diin gidawat sab kini nila ni Davao City Administrator Atty. Zuleika T. Lopez, City Administrator for Administration Atty. Tristan Dwight Domingo, Vice Mayor’s Office Chief-of-Staff Atty. Francis Mark Layog ug Davao City Investment and Promotions Center OIC Christian Cambaya.
Una nagpahayag ug pagpasalamat ang dakbayan pinaagi kang Atty. Domingo sa mga nahimong tabang nga gihatag sa Japanese Government partikular na sa technical assistance sa nagkadaiyang development projects dinhi sa siyudad pinaagi sa Japan International Cooperation Agency (JICA).
Kahinumduman nga tungod sa partnership sa siyudad ngadto sa Japanese government nahimong malampuson ang pagpatuman sa big ticket projects sama sa Davao Bypass Road Project, Waste-to-Energy Project, ug daghanan pa.
