DAVAO CITY – Tingkagol sa selda ang usa ka lalaking nagpahuyot ug ilegal nga droga atol sa gikasang buybust operation sa Luna Tirad Pass, Brgy. Zone 3, Digos City.
Giila sa kapulisan ang dinakpang si Alain Roy Celzo Maranion alyas Ar, 42 anyos, construction worker nga residente sa nasangpit nga dapit.
Positibong napalitan ang suspek sa nagpailang buyer ug usa ka pakete sa gituohang shabu. Dihang nakuhaan sab ang suspek ug lain pang unom ka balot sa susamang kontrabando; lakip ang usa ka lighter, sudlanan sa chewing gum, ug P1000 marked money.
Nasignit gikan sa maong dinakpan ang kinatibuk-ang 3 gramos kon kapin P45,000 nga kantidad sa gidudahang shabu.
Girekisa na ang dinakpan sa Digos City Police Station samtang mag-atubang ug kasong paglapas sa Republic Act 9165 kon Comprehensive Dangerous Drugs Act of 2002.
via || Bombo LJF
