Nakagasto na og kapin P8 bilyon ang Commission on Elections o Comelec alang sa padayong pagpangandam sa Barangay ug Sangguniang Kabataan Elections o BSKE 2026.
Sumala ni Comelec Chair George Garcia, dakong bahin sa maong pondo ang gigamit sa pag-andam sa mga election paraphernalia, lakip na ang pag-imprenta sa mga balota.
Sa pagkakaron, adunay nahibiling P11 bilyon nga pondo ang Comelec nga gitagana alang sa honoraria sa mga magtutudlo nga magsilbi sa eleksyon, ilang training ug deployment sa mga election equipment.
Dugang pa niini, gilauman nga ipahigayon ang BSKE sa unang semana sa Nobyembre 2026, bisan pa adunay gisugyot sa Senado nga i-postpone ang maong Elekyons.
Gipadayag ni Garcia nga mopadayon ang pagpangandam sa Comelec hangtod nga pormal nga kanselahon o ipalangay ang eleksyon, lakip ang paghimo og contingency measures.
Lakip sa ilang gikonsiderar ang mga contingency plan alang sa posibleng pagbaha nga mahimong mahitabo sa wala pa ug sa mismong adlaw sa eleksyon tungod kay sagad nga ting-ulan ang Nobyembre.
Sa kasamtangan, gibanabanang mokabat sa hapit 70 milyon ka mga Pilipino ang kwalipikadong mobotar sa BSKE 2026 base sa rekord sa Comelec.
