DAVAO CITY – Mukabat sa pito ka libo ka mga kandidato sa BSKE sa tibuok nasud ang nahatagan na sa COMELEC og showcause order gumikan sa mga kalapasan nga gihimo niini.
Kini ang gipahayag ni COMELEC Chairman George Garcia atol sa pagbisita niini karon alang sa MOA signing tali sa Ministry of Basi, Higher and Technical Education ug ang COMELEC dinhi sa Davao City.
Apan, gipahayag usab ni Garcia nga sa maong ihap, bugtong duha ka libo pa lamang ang misunod niini.
Apan, lauman usab sa publiko karong semana, mapagawas na sa COMELEC ang disqualification cases kalabot sa premature campaigning.
Sa karon, adunay matud pa nga naka-pending nga napulo ka mga kaso kalabot usab sa vote buying.
Dungan niini, hugot usab nagpasidan-an si Garcia nga seryoso ang ahensya nga pasakahan og kaso ang mga kandidato nga mulapas sa rules and regulations sa COMELEC alang sa BSKE 2023.
Sa pikas bahin, gipahayag usab ni Garcia nga gipatas-an nila karon ang honorarium nga madawat alang sa mga Board of election Inspectors.
Diin gikan sa Php 6000, mahimo na kining Php 10,000 ang madawat sa mga BEI chairman, samtang Php 9000 usab alang sa mga myembro niini gikan sa Php 5000.
via || Bombo HJR
