DAVAO CITY – Gipahimangnoan karon ni Atty. Mohammad Fyzee Alim sa Comelec Davao First District kadtong wala pa nakaparehistro nga pahimuslan ang extension sa registration ug dili na magpa-abot pa ug deadline.
Sa kasamtangan mikabat na matud pa sa 937,000 ang ulahing natala sa Comelec nga mga bag-ong rehistrado nga mga botante sukad 2019 hangtud ning panahon.
Anaa na sab sa 3.4 million ka mga bag-ong botante ang narehistro karon sa tibuok Davao region.
Anaa lamang sumala pa sa 300 ka mga indibidwal ang ilang ma-cater matag adlaw hinungdan nga kadtong late na nga moadto, mamahimong mubalik na lamang sa sunod nga adlaw.
Kahinumduman nga gilugwayan na na hangtud sa Oktubre 31 ang registration tungod sa daghanang botante nga midagsa karon sa ahensiya.
Apan mamahimong lamang nga mobalik ang mga botante sa Oktubre 11 sanglit sugod karong adlawa hangtud oktobre 8 ang igahin alang sa pagduso ug Certificate of Candidacy (COC) sa mga empleyado.
