DAVAO CITY – Nagpasalamat ang buhatan sa Commission on elections (Comelec) human nga ubay-ubay sumala pa ang mga bag-ong botante nga ilang natala sa Davao region dungan sa nagsingabot nga eleksiyon sa bulan sa Mayo.
Kahinudmuan nga ana karonsa 500,000 ang nadugang nga mga botante dungan sa panghinaut nga moboto.
Nasayran nga ang ihap sa mga nakarehistro ang misaka gikan sa 3,236,251 ngadto sa subay sa August 13, 2019 ERB hearing. Sa tulo ka milyon nga botante, 992,538 voters ang sa Davao City, nga mitala ug 144,751 nga pagsaka.
Sa Davao del Sur, nadungagan ang ilang mga botante ug 65,265 o anaa na karon sa 457,073 karung tuiga gikan sa 391,808.
Sa Davao Occidental misaka ngadto sa 23,388 ngadto na 192,420 ka mga botante karon tuiga gikan sa 169,032 voters kaniadtong 2019.
Adunay pagsaka usab sa Davao del Norte, diin anaa sa kinatibuk-ang 690,248 katao ang narehistro karung tuiga o adunay 144,328 nga pagsaka gikan sa545,920 voters sa 2019, samtang sa Davao de Oro adunay kinatibuk-ang 508,221 voters o anaa sa 97,960 improvement kung itandi sa 410,261 sa 2019.
Samtang sa Davao Oriental adunay 71,876 ka mga bag-ong botante o adunay total nga 395,751 gikan sa kanhi 323,875 voters pre-pandemic.
Nagtoo ang comelec nga daghanan na ang naka-amgo nga mahinungdanon ang pagboto hinungdan nga namatikdan karon ang pagsaka sa mga botante.
