-- ADVERTISEMENT --
Gihangyo sa Commission on Elections (COMELEC) ang Philippine National Police (PNP) nga hugtan pa ang pagbantay batok sa mga namalit og boto.
Matod pa ni COMELEC Chairman George Garcia, dili na kinahanglang adunay warrant of arrest aron madakpan ang mga namalit og boto tungod kay gitugot kini sa balaod.
Dugang pa niya, adunay hugot nga mando ang COMELEC sa kapulisan isip ilahang deputized agent, nga kinahanglan ipatuman ang istriktong pagdakop sa mga nalambigit sa vote buying.
Lakip usab niini ang mga nagbaligya og boto, nga mahimong dakpon ug posibleng mag-atubang og hangtod unom ka tuig nga pagkabilanggo.
Gidasig usab ang publiko nga kuhaan og hulagway o video ang aktwal nga pagpanamok aron magamit kini isip ebidensya.
-- ADVERTISEMENT --
