Nangandam na ang duha ka abogado alang sa impeachment complaint batok kang Comelec Chairman George Erwin Garcia,ug unom pa ka komisyoner tungod sa giingong “institutional misconduct” sa eleksyon niadtong 2022 ug 2025.
Ang reklamo giduso nila Atty. Eldrige Marvin Aceron ug Atty.Sikini Labastilla sa House of Representatives of the Philippines, diin ilahang gipresenta ang upat ka basehan alang sa impeachment.
Lakip sa mga alegasyon ang paglapas sa Automated Election System Law human sa paggamit og software nga wala kuno moagi sa mandatory source code review; paglapas sa pagsalig sa publiko pinaagi sa paggamit sa usa ka “unauthorized intermediary server” nga nakaresulta sa pagkalangan sa transparency servers; ug ang giingong pagpanago sa impormasyon may kalabotan sa paggamit sa usa ka private IP address sa kapin 20,000 ka vote-counting machine modems niadtong 2022.
Gipunting usab sa reklamo ang giingong selective enforcement sa campaign finance laws, nga kuno pabor sa pipila ka senador nga kaalyado sa administrasyon, lakip niini sila Sen.Francis Escudero ug Sen. Rodante Marcoleta.
