DAVAO CITY – Gikanayon ni Atty. Mohammad Fyzee Ahim, office of the election officer, 2nd District Comelec nga andam na sila sa mga kandidato nga moduso sa ilang Certificate of Candidacy (COC) alang sa 2022 National ug Local elections karong bulan sa Oktubre.
Sumala pa sa opisyal nga sugdan gilayon ang filing sa COC sa October 1 hangtud 8Â diin kalakip na niini ang adlaw nga Sabado ug Domingo.
Subli sab nga gitino sa nahisgutan nga gilimitahan lamang nila ug duruha ka indibidwal sa matag kandidato ang mokuyog sa filing sa COC ug dili na kini sama pa sa milabay nga mga katuigan nga tugtan ang mga daghanang mga supporters.
Kabahin pa gihapon ang nahisgutan nga lakang sa hugtanon nga pagpatuman sa health protocols gumikan sa nagpadayong pagsaka sa kaso sa covid-19.
Samtang gikanayon sab ni Ahim nga kung magpositibo sa covid-19 ang usa ka kandidato mamahimo kining magpadala sa iyang representante aron maoy moduso sa iyang COC apan kinahanglan lamang nga magdala kini ug special power of attorney ug sworn declaration nganong dili personal nga makaduso sa iyang kandidatura ang usa ka kandidato.
Gitino sab niini nga mamahimong himuon sab kini sa uban nga kandidato depende sa rason  nganong dili sila makaadto sa comelec.
