DAVAO CITY – Gi-awhag sa ahensiya sa Commission on elections (Comelec) -11 ang publiko nga pahimuslan ang panahon sa pagparehistro ug dili na hulaton pa ang deadline niini sa Setyembre 30, 2021.
Wala na matud pa igong rason ang mga botante ilabi na nga gilugwayan nila karon ang ilang voter registration hours.
Sumala pa kang Atty. Gay Enumerables, assistant regional election director sa Comelec-11, nga matag lunes hangtud biyernes, abli na ang ilang buhatan sugod sa alas otso sa buntag hangtud na sa alas siete sa gabie samtang matag sabado ug holidays abli sila sugod alas otso sa buntag hangtud na alas singko sa hapon.
sugdan sumala pa ang bag-ong schedule sa taliabot nga adlaw’ng lunes, Agosto 23.
Buot sa comelec nga malikayan ang pagdasok sa mga botante ilabi na kung nagkaduol na ang deadline sa registration ilabi na karon nga padayon ang ilang gipatuman nga hugtanong health protocols hatud sa nagkataas nga kaso sa Covid-19 sa siyudad.
