DAVAO CITY – Dungan sa nagkaduol nga pinili-ay sa Mayo 13 ning tuig kasamtangan, nanawagan ang ahensiya sa Commission on election (Comelec) pinaagi sa ilang regional director nga si Atty. Michael Abas ngadto sa mga botante nga mas maayong pangitaon na ang ilang precincts number pinaagi sa pagbisita sa mga voting precincts ug Comelec district offices aron nga dali na lamang ang pagboto sa mismo adlaw sa pili-ay.
Gani gitambagan sab ni Atty. Abas ang mga botante nga aron dili madugay sa pagboto, mas maayong magdala na lamang ug kopya aron nga dali mahuman.
Gipasabot sab sa opisyal nga kung ang usa ka botante duruha ka eleksiyon na nga wala nakaboto, tangtangon na kini sa listahan.
Kung dili na matod pa makita sa botante ang iyang pangalan, nagpasabot kini nga di-activated na kini sa listahan.
