Nagmadaugon sa iyahang comeback fight si Jerwin Ancajas human nga na-disqualified ang kabangi niini nga si Sukpraserd Ponpitak sa Thailand.
Gipahunong na matud pa sa referee ang ikalima nga round sulod sa 2:34 minutes sa dihang gitulak ni Pontipak si Ancajas sa maong panagsangka nga gipahigayon sa Mandaluyong City.
Sa mga unang round, giwarningan na sa referee ang Thai Boxer kabahin sa ginabuhat niining violation apan wala kini naminaw hinungdan gipaundang ang maong panagsangka.
Gitapyasan na usab ug puntos 36-anyos nga si Pontipak ug mao na usab matud pa kini ang iyahang ika-20 nga makapildi sa maong karera. Samtang gikan pa sa sinugdanan nahimong agresibo si Ancajas, diin gipatumba niya ang beteranong si Pontipak.
Adunay 35 na ka kadaugan, upat ka pili ug duha ka draw nga adunay 23 ka knockouts si Ancajas.
Mao usab kini ang iyahang una nga kadaugan human ang pito ka bulan nga nakalabay nga gipildi kini ni Takuma Inoue sa Japan.
