DAVAO CITY – Nakatala sumala pa ang Integrated Gender and Development Division (IGDD) sa City Mayor’s Office ug taas nga kaso sa violence against women and children (VAWC) victims sa usa ka dapit sa siyudad nga adunay taas nga ihap nga populasyon kaniadtong tuig 2016.
Subay sa IGDD records, ang Talomo District adunay pinakataas nga ihap sa maong kaso nga anaa sa 320, misunod ang Buhangin – 229, ug Poblacion District – 140.
Samtang labing menos sa maong kaso ang Paquibato District – 3, Marilog District – 21, ug Baguio District – 22 cases.
Mayorya sa mga kliyente mao kadtong walay trabaho nga anaa sa 526 cases, private employee – 281 ug self-employed – 169 cases.
Samtang pinakataas nga nagpatala ug VAWC mao kadtong mga minyo nga babaye nga anaa sa 650 samtan 438 sa mga kliyente mao kadtong mga single women.
Taas sab ang susamang kaso sa mga college graduates – 615 gisundan sa high school graduates – 372 cases. Nag-unang klase sa pagpangabuso sa mga kababaenhan ang economic abuse – 901 cases, psychological o emotional abuse – 477, ug physical abuse – 269.
Hinuon aduna na matud pay mga resolusyon ang napalabang atol sa tinuig nga Women’s Summit diin kalakip niini ang livelihood programs alang sa mga kababaenhan sa siyudad ingon man ang pagdugang ug pundo alang sa “gender and development” sa matag barangay.
